Camera e coalasion a Legnaro in Diaeto Veneto
"Un postesin chieto in tel verde, pa distirarse un fiantin e desmentegarse dee preocupasioni de tutti i dì"
Ghemo fato anche la version in diaeto veneto parchè ce piase tanto recuperar le tradisioni e i deti de na volta e ce piaseria che sta lingua veneta no morisse mai cussì che se possa senpre riussire a tramandare cossa diseva i veci de na volta ...
Luigi Meneghello scrisse nel suo Libera nos a malo che "morendo una lingua non muoiono certe alternative per dire le cose, ma muoiono certe cose".
Filò di Andrea Zanzotto in Le poesie e prose scelte, "I Meridiani", Mondadori, Milano 1999, pp. 532-533
Ma ti, vecio parlar, resisti. E si anca i òmi
te desmentegarà senzha inacòrderse, ghén sarà osèi - do tre osèi sòi magari dai sbari e dal mazhelo zoladi via -: doman su l'ultima rama là in cao in cao de zhiése e pra, osèi che te à inparà da tant te parlarà inte 'l sol, inte l'onbrìa. | Traduzione in Italiano
Ma tu, vecchio parlare, persisti. E seppur gli uomini ti dimenticheranno senza accorgersene, ci saranno uccelli - due tre uccelli soltanto magari dagli spari e dal massacro volati via -: domani sull'ultimo ramo là in fondo in fondo a siepi e prati, uccelli che ti hanno appreso da tanto tempo ti parleranno dentro il sole, nell'ombra. |
Ea nostra casa ...
Ea nostra casa ea xe in na posision tranquia e lontan daea confusion. Abitemo in campagna, circondai dai campi e dae piante, in tel verde e ea natura. Ea nostra fameja se formà da ea mojere Giuseppina, el paron Italo e dae soree Roberta e Cristina. Ma qualche dì te poi anche incontrar in giro pa casa i nevodetti Elena e Riccardo. Durante i nostri viagi de fameja semo sta in un smerdaro de B&B in giro pa l'Europa e me se piasu cussì tanto che ghemo pensà de verseghene uno anca casa nostra. Ea Camara e Coeasion da SenpreVerde se na bea casetta par conto suo, tacà ea nostra casa. Ea ghemo costruia da poco e ea se proprio una maraveja: semplice e comoda par tutti. Ghe xe tre camare, do bagni e na gran bea cusina par ea coeasion e anche cusinarse da magnare. D'istà te poi svejarte co tanti oseetti che canta sol tetto e sentarte sotto un ombra nel prà. Semo verti tuti i dì de l'ano.
Co te rivi te tratemo come un sior: camare comode, coeasioni da riempirse ea pansa, aria bona, biancaria e sugamani neti, posto pa ea machina, un grande jardin co tanti zoghi pa i boce.
No ghe xe gnente de mejo dea nostra pasiensa e gestion de fameja: tanta cura e premura, tante notisie pa ndare in giro de sbrisoeon e oltre al diaeto veneto parlemo anche e lingue foreste (parchè ghemo fato e squoe alte), ma pi de tuto tanta amicisia e bea compagnia.
Ea nostra posision xe l'ideae pa ndare a vedare tuto el Veneto: Padova e el Santo, Venessia, ea Riviera del Brenta, i coi euganei, Vicenza, Chiosa ... insoma sia pa i mari che pa i monti. Scrivice do righe se te voi prenotar na camara e venirce a trovar...
Se te vien a Legnaro o a Padova pa rason de studio o laoro, o pa e vacanse saremo sempare contenti de darte da dormir in casa nostra !
Co te rivi te tratemo come un sior: camare comode, coeasioni da riempirse ea pansa, aria bona, biancaria e sugamani neti, posto pa ea machina, un grande jardin co tanti zoghi pa i boce.
No ghe xe gnente de mejo dea nostra pasiensa e gestion de fameja: tanta cura e premura, tante notisie pa ndare in giro de sbrisoeon e oltre al diaeto veneto parlemo anche e lingue foreste (parchè ghemo fato e squoe alte), ma pi de tuto tanta amicisia e bea compagnia.
Ea nostra posision xe l'ideae pa ndare a vedare tuto el Veneto: Padova e el Santo, Venessia, ea Riviera del Brenta, i coi euganei, Vicenza, Chiosa ... insoma sia pa i mari che pa i monti. Scrivice do righe se te voi prenotar na camara e venirce a trovar...
Se te vien a Legnaro o a Padova pa rason de studio o laoro, o pa e vacanse saremo sempare contenti de darte da dormir in casa nostra !
Dove che semo?
El Veneto xe na gran bea region. Ghe se el mare, i monti, el lago, e coine, tante campagne e tanta bea xente che se da sempare da fare su e so pa i paesi e le cità.
Nojaltri stemo apena fora Padova in te un paese che se ciama Legnaro, che se trova so ea strada che da Padova porta verso el mare de Sotomarina e Chiosa.
El paese de Legnaro gà na storia lunga e antica. Ma vegnì a scoprirlo vojaltri ... ghe se tante bee robe da vedere e da magnare ....
Nojaltri stemo apena fora Padova in te un paese che se ciama Legnaro, che se trova so ea strada che da Padova porta verso el mare de Sotomarina e Chiosa.
El paese de Legnaro gà na storia lunga e antica. Ma vegnì a scoprirlo vojaltri ... ghe se tante bee robe da vedere e da magnare ....
